Budapest, Hwngari
Mawrth 2004


aelodau Gôl! yn mwynhau brecwast mawr yng Nghartref Gyermekotthon

 

Yn ystod ymweliad Cymru â Budapest ar gyfer y gêm gyfeillgar â Hwngari ym mis Mawrth, cafodd 20 o gefnogwyr Cymru a dau o gynghorwyr y Gymdeithas Bêl-droed, Iwan Jones a Phil Jones, frecwast a hanner yng Nghartref Gyermekotthon ar fore'r gêm.

Mae'r 126 o blant amddifad yn byw yn y cartref, sydd ar gyrion y brifddinas a rhoddwyd £500 i Julia Blumenfeld o elusen FICE gan Gôl er mwyn sicrhau fod y plant yn cael ymweld â gwersyll haf.

A diolch i haelioni Dave Foster o Amsterdam, cafodd Gôl! y fraint o gyflwyno 40 tocyn ar gyfer y gêm fawr er mwyn i rhai o'r plant allu fynd i weld eu harwyr yn chwarae yn y cnawd.

Ymysg yr anrhegion eraill roedd crys-t clasurol 'Bobby Gould Must Go', crysau pêl-droed oedd yn rodd gan Glwb Ieuenctid yr Eglwys Newydd, tegannau a phethau-da gan X:S Wholesale o Leckwith, Caerdydd a Penny Pinchers o Aberteifi yn ogystal â phyjamas gan gwmni Ackroyds o'r Bala.

Mae diolch mawr, hefyd, i Zsuzsanna Eros am gydlynnu'r ymweliad.