Moscow, Rwsia
Tachwedd 2003


Gôl! and the Domededevo home's football teams

 

Tra ym Moscow ar gyfer y gêm ail chwarae yn Ewro 2004, llwddodd rhaio aelodau Gôl! i gymryd seibiant o ymweld â'r Sgwar Coch a phrynu hetiau a doliau Rwsieg er mwyn ymweld â chartref plant amddifad yn Domededevo ar gyrio dinas Moscow.

Yn ogystal â chyflwyno 30 gwisg pêl-droed a sawl phêl, lluniau o'r tîm cenedlaethol ac amryw o fathodynau a fflagiau, roedd bocs siocled ar gyfer pob un o'r plant, a rhag ofn i ni gael ffrae gan y staff yn y cartref, roedd brwsh a phast danedd yr un hefyd!

Wedi cyflwyno'r anrhegion cawsom wybod bod y plant eisau ein herio ar y caeau pêl-droed tu allan, yn ôl pob sôn roeddent braidd yn flin nad oedd eu harwyr wedi trechu'r Cymry y noson gynt!
Tu allan ar y maes pêl-droed aml-dywydd, roedd tri tîm o chwe chwaraewr yn gwisgo eu crysau newydd sbon ac yn disgwyl i roi gwers i ni!

Cawsom dair gêm gan ennill y cyntaf, cael gêm gyfartal yn yr ail ac, er i ni geisio thaflu'r gêm olaf gan ildio cic o'r smotyn amheus iawn yn y funud olaf, cawsom gêm gyfartal yn y drydedd gêm hefyd.

Wrth fwynhau paned a theisen wedi'r gemau, cyflwynodd Gôl! siec o $850 i reolwraig y cartref er mwyn iddynt brynnu cyfrifiadur.

Cyn gadael y cartref cawsom wybod fod pennaeth yr Ysgol Rhyngwladol leol wedi clywed am ein ymweliad ac ei fod wedi trefnu gêm i ni yn erbyn y tîm lleol, Metalurg Domededevo. Wrth i ni gyrraedd y maes aml-bwrpas ger Stadiwm Domdededevo cawsom wybod mai Metalurg orffennodd yn ail yng Nghynghrair Moscow tymor diwethaf!

Cawsom ein hebrwng i ystafell newid gynnes braf gyda crysau wedi eu gosod allan yn disgwyl amdanom. Wrth i ni loncian allan ar y maes cawsom ein cyfarch gan 20 o garfan Metalurg - wyth oedd yn ein tîm ni, a roedd hynny'n cynnwys dau o fois lleol!

Nid oedd yn fawr o syndod ein bod wedi colli'n drwm mewn gêm barhaodd 10 munud pob ffordd, cyn i ni gael ein hebrwng i ystafell ym mhrif adeilad y clwb lle roedd coblyn o fwrdd mawr â'i lond o frechdanau, te, coffi ac, wrth gwrs, fodca.

Wedi codi sawl gwydraid at gyfeillion, hen a newydd, roedd rhaid ffarwelio er mwyn brysio i ddal yr awyren adref.